پی ٹی آئی پنجاب کی چیف آرگنائزر عالیہ حمزہ لاہور سے گرفتار
لاہور: پاکستان تحریک انصاف (پی ٹی آئی) پنجاب کی چیف آرگنائزر عالیہ حمزہ کو لاہور سے گرفتار کرلیا گیا۔
قریبی ذرائع کے مطابق عالیہ حمزہ اپنی فیملی سے ملاقات کے لیے لاہور آئی تھیں کہ اسی دوران پولیس نے انہیں حراست میں لے لیا۔
ذرائع کا کہنا ہے کہ گرفتاری کے بعد انہیں نامعلوم مقام پر منتقل کر دیا گیا ہے۔ تاہم تاحال متعلقہ حکام کی جانب سے اس حوالے سے کوئی باضابطہ بیان جاری نہیں کیا گیا۔
واقعے کے بعد پارٹی رہنماؤں اور کارکنوں میں تشویش کی لہر دوڑ گئی ہے۔ مزید تفصیلات کا انتظار ہے۔
