شمالی وزیرستان کے علاقے میرعلی میں خودکش حملے کی کوشش ناکام بناتے ہوئے سیکیورٹی فورسز نے 4 دہشتگردوں کو ہلاک کر دیا۔
ذرائع کے مطابق شمالی وزیرستان کے علاقے میر علی میں خودکش حملے کی کوشش ناکام بناتے ہوئے سکیورٹی فورسز نے 4 دہشتگردوں کو جہنم واصل کر دیا۔ میر علی میں ایک خوارجی نے بارود سے بھری گاڑی سکیورٹی فورسز کے کیمپ کی دیوار سے ٹکرائی جو دھماکے سے پھٹ گئی، اس کے بعد تین مزید خوارجی دہشتگردوں نے کیمپ کے اندر داخل ہونے کی کوشش کی۔
سکیورٹی فورسز کی بروقت اور دلیرانہ کارروائی کے نتیجے میں تینوں دہشتگرد کیمپ کے باہر ہی ہلاک کر دیئے گئے، جبکہ سکیورٹی فورسز کا کسی قسم کا کوئی نقصان نہیں ہوا۔ سکیورٹی فورسز کی جانب سے کہا گیا ہے کہ گزشتہ دو روز کے دوران افغان طالبان کے حمایت یافتہ 88 خوارج کو جہنم واصل کیا جا چکا ہے۔
ذرائع کا کہنا ہے کہ ان شاء اللہ! نیشنل ایکشن پلان کے تحت آخری دہشتگرد کے خاتمے تک افواجِ پاکستان اور قانون نافذ کرنے والے ادارے ملک کے دفاع کے لیے یوں ہی ڈٹے رہیں گی۔ یاد رہے کہ شمالی وزیرستان کے علاقے میرعلی میں خودکش حملے کی کوشش ناکام بناتے ہوئے سیکیورٹی فورسز نے 4 دہشتگردوں کو ہلاک کر دیا۔
